VEREENIGING – Maak nie saak of jy met ‘n punt wen nie. ‘n Wen bly ‘n wen, veral as jy dit in ‘n eindstryd vermag. Daarvan kan die Vereeniging Rugbyklub se eerste rugbyspan getuig nadat hy vanmiddag in Brakpan as die Valke Klubkampioen gekroon is. Die manne van Vereeniging het die Panne met 39-38 in die eindstryd van die Valke Peregrineliga geklop.

Die Oos-Randers wat bo-aan die punteleer geëindig het was die gunsteling om die eindstryd te wen, maar die besoekers het hulle partytjie bederf. Die tuisspan het rustyd met 24-18 voorgeloop maar Ockert Brits se span het hand en tand teruggeveg om met 39-38 deur te skuur.