Sedert Francois twee weke gelede (2 Augustus) sy nek gebreek het in ‘n rugbywedstryd, was hy en sy gesin aan nuwe uitdagings blootgestel.

Maar hulle het ook oneindige liefde, omgee en ondersteuning uit die gemeenskap, en regoor Suid-Afrika ontvang.

En watter jong man sal nou nie van oor-tot-oor glimlag as jy deur meer as 20 pragtige jong girls besoek word nie. Behalwe vir al die drukkies en mooi woorde, is Francois ook met lekkernye bederf.

Francois is ‘n positiewe jong man wat reeds met nekstut en alby die huis rondbeweeg (hoewel hy homself nie mag ooreis nie).

Dit is vir hom hartseer, maar hy het ook reeds aanvaar dat sy rugbydae iets van die verlede is.

“Dit was ‘n lekker verrassing, ek waardeer dat die cheerleaders by my kom kuier het,” sê Francois.

Vaalweekblad sal Francois se vordering volg.