SASOLBURG – Die immergewilde sanger, André Schwartz tree Sondag, 31 Augustus by die Etienne Rousseau Teater (ERT) in Sasolburg op.
Sedert hy bekendheid verwerf het in die 80’s met liedjies soos Ek wil jou nooit weer sien, het André se loopbaan hom op ver paaie geneem. Op ‘n stadium het hy die hoofrol vertolk in Andrew Lloyd Webber se Phantom of the Opera.
Tans is hy op reis met ‘n vertoning spesiaal opgedra aan die musiek van Lloyd Webber onder die titel, Any dream will do.
Hy beloof dat van die bekendste musiek uit Lloyd Webber se pen sal opklink, soos Any dream will do, Love Changes everything, You must love me, Send in the Clowns, Music of the Night, Memory, Pie Jesu..
Schwartz gaan lewenslesse geleer deur musiek-ervarings deel. Soms seer. Soms grappig. Hy bespreek sy lewenspad in naakte kwesbaarheid met Webber as narratief.
Met baie humor en eerlike waarheid kry jy ‘n blik in Schwartz se lewe asook ook ‘n ontdekking in jou eie.
Kaartjies is beskikbaak by www.ertickets.com. Die vertoning begin om 15:00.
