VANDERBIJLPARK – Om ‘n Downsindroom-kind te hê hou baie uitdagings in, maar hierdie kinders is uniek en liefdevol en verryk hul ouers se lewens, net soos gewone kinders.

Kegan se gesondheid het aan die einde van verlede jaar agteruit gegaan en hy was van 30 Desember 2024 tot amper aan die einde van Januarie vanjaar in die die Charlotte Maxeke-hospitaal in Johannesburg weens asemhalingsprobleme.

Kegan het ook skildklierprobleme wat sy gewig beïnvloed. Sy toestand is geklassifiseer as Obesity Hypoventilation Syndrome en Obstructive Sleep Apnea.

Om die rede moet Kegan gewig verloor.

Hy is ook deur die dag afhanklik van ‘n suurstofmasjien, en saans gebruik hy ‘n CPAP (Continuous positive airway pressure) toestel omdat hy slaapapnee het.

“Kegan vorder goed. Ek is baie trots op hom. Hy verloor stadig maar seker gewig,” sê ma Krystle Claassen.

Deur die koue wintermaande het dit darem goed gegaan. Kegan was slegs in Junie siek met griep, maar hy het goed herstel.

Sy meen ook dat omdat dit nou warmer begin word, hulle dalk bietjie meer aktief sal kan wees. Ongelukkig is hy steeds 24/7 op suurstorf.

Sy ma gaan haal elke maand sy medisyne by die hospitaal in Johannesburg. Dit sluit in medikasie vir sy skildklierprobleme, ‘n waterpil en asmapompie.

Sy ma se grootste wens is dat hy soveel vordering kan maak dat hy nie van ‘n suurstormasjien afhanklik sal wees nie.

Hy was verlede week terug by die hospitaal vir ‘n roetine ondersoek. Die dokter is tevrede met sy vordering en sê sy ma moet aanhou doen wat hulle doen om die vetjies af te skud.