VEREENIGING – Die plaaslike motorsport-gemeenskap is in rou na die afsterwe van Willem Stols (66).

Willem wat die afgelope vyf jaar nierprobleme gehad en dialise ontvang het, het op 25 Julie ‘n terugslag gehad.

Hy het ‘n onbekende infeksie opgedoen wat tot orgaan versaking gelei het en het op 27 Augustus die stryd verloor.

Willem was ‘n bekende in motorsportkringe, veral by die Ultimate Outlaws Raceway in Vereeniging waar hy die afgelope paar jaar ‘n tegniese beampte was, wat gesorg het dat die reëls gevolg word.

Willem se gedenkdiens vind op 5 September om 11:00 by MCC Meyerton plaas. Almal wat saam met sy geliefdes sy lewe wil vier, is hartlik welkom.

‘n Volledige berig en huldeblyk aan Willem verskyn in Vrydag se Vaalweekblad.