VANDERBIJLPARK – Om jou sestigste verjaarsdag te vier is ‘n merkwaardige mylpaal.

Sommige mense sal dit wil wegsteek.

Maar as jou naam Johann Venske is en jy ‘n skoolhoof van een van die top hoërskool in die Vaaldriehoek is, moet jy weet dit gaan nie ongesiens verbyglip nie. Van onder die radar vlieg is daar nie van sprake nie. Of jy nou ses of 60 word, wat is beter as om jou geboortedag met ‘n Checkers Sixty-60-partytjie te herdenk. Dit is genoeg om die kind in jou wakker te maak.

Die HS Transvalia se personeelkamer is op Vrydag 5 September met behulp van personeel, ouers en Riverside Boulevard Checkers in ‘n partytjieparadys verander. Geen steen is onaangeroer gelaat om dit ‘n onvergeetlike dag te maak nie.