Soeter as soet Lentedag vir Herfsoord inwoners
Sofie Bierman se sjokolade poeding het uiteindelik die oorhand gekry, maar almal is suikersoet huis toe.
VANDERBIJLPARK – Op Lentedag gebeur daar altyd iets by Die Eike Eetsaal in Herfsoord.
Verlede jaar is daar gebak vir die vale in ‘n Mini-Koekedoor kompetisie. De jaar is daar om die titel, Poeding Meester, meegeding.
Na baie swoeg en sweet in die kombuise, het die groot dag verlede Maandag aangebreek. Daar was 24 inskrywings, wat alles van melktert tot by yskasterte (in alle geure) ingesluit het.
Die drie beoordelaars, Amanda van Zyl van Feedem Catering, Fancois maatskaplikewerker by Siësta en Jan van den Linde was al gou soet tot agter hul ore, maar het dapper voortgegaan om al die disse te proe.\
Terwyl die beoordelaars nog kop gekrap het, het inwoners solank by die tafels gekuier. Elkeen het hul oog op ‘n hoek gehad waar poedings gereed gestaan het om gesny en verkoop te word.
“Ons bied dae soos hierdie aan, om meer inwoners uit hul huise te kry, maar ook as fondsinsameling vir die nuwe Alzheimer-eenheid wat tans in aanbouing is,” het oordbestuurder Charlene Aucamp vertel.
