Mej. SA-finaliste: Vaal spog met blonde bom
Mej. Suid-Afrika 2025 sal op 25 Oktober by die Sun Bet Arena by Times Square, Pretoria, gekroon word. Vaalweekblad staan net soos die res van die Vaal, bankvas agter Gizelle!
Die 27-jarige Gizelle Venske se leuse is:
‘n Vrou wat die skare volg, sal waarskynlik nie verder as die skare kom nie, maar ‘n vrou wat haar eie voetspore volg, sal haar waarskynlik op plekke bevind waar niemand anders nog ooit was nie.
Gizelle Venske (27) is die dogter van Anto en Johan Venske (hoof van die HS Transvalia).
Sy het in die Vaal groot geword, maar woon tans in Lynnwood, Pretoria.
Vanjaar het die Mej. Suid-Afrika Organisasie dit herbedink wat dit beteken om die kroon te dra.
Die slotsom: “Die vrou wat as Mej. Suid-Afrika 2025 gekroon word, sal haar platform gebruik om blywende en betekenisvolle impak te skep.”
Dit val so reg in Gizelle se kraal. Sy beskik oor die nodige selfvertroue en deernis, en is reg om die reis na die kroon te begin.
Ons deel bietjie meer oor Gizelle in die week se Vaalweekblad.
