VANDERBIJLPARK -Die Laerskool Kollegepark se jong landloopsterre het op 3 en 4 Oktober tydens die 2025 Suid-Afrikaanse Landloop-kampioenskap in Witrivier gewys waartoe hulle in staat is.

Drie van die skool se top-atlete het met spoggerige medaljes teruggekeer nadat hulle alles op die 3 km-baan gegee het.

Miané de Clercq en haar sussie Emma de Clercq het onderskeidelik met ‘n goue en ‘n silwermedalje teruggekeer.

Franna van der Westhuizen het ook nie gras onder sy voete laat groei nie en ’n silwermedalje losgehardloop.

Hul bydraes het gehelp dat Kollegepark se span met ‘n goue medalje huis toe gekeer het.