VANDERBIJLPARK – Die lede van die Vanderbijlpark Leeskring het met groot afwagting uitgesien na die besoek van skrywer, avonturier en filosoof Jaco Strydom.

Die groot dag het uiteindelik op 23 Oktober aangebreek en hulle was nie teleurgesteld nie.

Lynette Cilliers van die Leeskring sê die leeskring lede en die gaste het die oggend baie geniet. Jaco het gesels oor sy roman, Daka, en na die tyd ook die tyd afgestaan om boeke vir sy aanhangers te teken.

Hulle beplan om in Februarie en Maart nog skrywers te nooi om boekbesprekings te kom hou. Indien iemand belangstel om lid van die groep te word, kontak gerus vir Lynette by 082 593 5964.