Vuurwarm aksie in finaal van SA Hotrod-toer
Daar was soos verwag kon word met so vol veld, 'n ongeluk tydens die finaal, maar niemand is ernstig beseer nie.
VEREENIGING – Daar is met groot afwagting uitgesien na die finaal van die SA Hotrod-toer wat verlede Saterdag by Ultimate Outlaws gehou is, en die land se top renjaers het aan alle verwagtinge voldoen.
Kosie Weyers het al die pad van die Kaap gekom om die wenvlag en titel voor ander aanspraakmakers weg te raap.
Daar was ook iets anders as gewoonlik te sien, met nege deelnemers wat in die Flexi-klas deelgeneem het.
Die ander afdelings van die aand het ook vir heelwat vermaak gesorg.
Die wenners van die onderskeie klasse is:
Ninja Rookies – 1. Amore du Plessis, 2. Charni Paiva en 3. Joshua Strydom
Nina Midgets – 1. Jason White, 2. Ashleigh Saayman en 3. Kyle Saayman
Junior Development – 1. William Budler, 2. Jordan Ray van Dyk en 3. Nico Jayden Blignaut
StockRods – 1. Waldi Henning, 2. Louis Nel en 3. Stephan Nagel
1660cc – 1. Kyle Joubert, 2. Spanner Pretorius en 3. Eugene Schoeman
Tin Tops – 1. Riaan Venter, 2. Eduan Nell en 3. Tienie Nieuwoud
2L Hotrods – 1. Tokkos Joubert, 2. Francois du Toit en 3. Johann du Toit
Sprints – 1. Stephan Fouche, 2. Quintin Saayman en 3. Cyril Jacobs
* Die laaste byeenkoms van die jaar is op 6 Desember. Daar sal ‘n vuurwerkvertoning wees. Hekke sal reeds om 14:00 oopmaak.
