VANDERBIJLPARK – Saterdag is daar ‘n Pretloop en algemene pret dag ten bate van Vaalpets by die Emerald Resort & Casino se parkeerarea gehou.
Nadat die honde en hul eienaars die lang pad aangedurf het, was dit tyd vir die kompetisies.
Eerste aan die beurt was om te kyk watter hond en eienaar lyk die naaste aanmekaar.
Die kompetisie was straf en dit het die drie beoordelaars ʼn rukkie geneem om te besluit dat Francois Swanepoel en sy Cody die meeste op mekaar trek.
Die volgende kompetisie was om die grootste hond te bepaal. Hier Jade met ʼn stertswaai kop en skouers bokant die res uitgetroon en is sy beloon met die eerste prys.
Daarna moes die beoordelaars kopkrap oor watter hond was die kleinste. Uiteindelik kon hul nie anders as om die agt weke oue, Oepsie as die kleinste en jongste in die kompetisie te kroon nie.
Oepsie se sussie se naam is Daisy, so saam heet hul Oepsie-Daisy volgens hul mense pa, Kobus Esterhuyse.
Die laaste kompetisie was om te bepaal watter hond is die lawaaierigste.
Om skielik die middel van belangstelling te wees, het ʼn paar honde skielik doodstil gelaat.
Hunter het egter nie op hom laat wag nie en vir almal gewys hy kan en sal blaf en aanhoudend ook.
Die wenhonde is almal beloon met groot pakke vol allerhande lekkernye.
