Storme woed onder top foto’s
Puik foto's was weer aan die orde van die dag tydens die Vanderbijlpark Fotografiese Vereniging se maandelikse klubbyeenkoms.
VANDERBIJLARK – Die maandtema was “Sport” en Renée Storme se Chasing the ball was die wenfoto.
Renée het ook vir die wenfoto van die aand gesorg met haar foto Leopard and the moon wat in die ope-afdeling ingeskryf was.
Die wenners van die ander afdelings is:
Aanlyn inskrywings – Johan Joubert se Berghaan pronk
Selfoonfoto’s – Suzy Louw se Semonko
Monochroom – Neville Hein se Jordan 1
November is ‘n hoogtepunt op die klub se kalender. Dit is hul jaarafsluiting met ‘n Veelsydigheidskompetisie waar lede vyf fotos uit ‘n keuse van nege kategorieë kan inskryf.
Kategorieë sluit in landskappe, argitektuur, portrette en kreatiewe fotografie tot makrofotografie en sport. Hierdie kompetisie neem amateur fotograwe uit hul gemaksone.
Gesoute beoordelaars van Krugersdorp is gevra om die wenners in die nege kategorieë aan te wys.
Enige belangstellende persoon is welkom om by die klub aan te sluit. Kontak Johan Brits by 082 718 8394 of tsawa@yebo.co.za vir inligting.
Besoek die klub se webtuiste: www.vdbp-photo.co.za of Facebook VdbpPhotoClub waar daar gereeld interessante wenke en foto’s opgelaai word.
