VANDERBIJLPARK – 30 November is die groot dag vir Centurions Mc Vaal se 30ste Toy Run.
Die dag word aangebied in samewerking met Wingmates MC en Afriforum. Hierdie jaar vertrek die konvooi motorfietse, gelaai met speelgoed, vanaf Hoff’s Place. Dis geleë by die Old Rafters @Golden Goose, Saspark Sentrum.
Motorfietsryers wat saam met die konvooi wil ry moet sorg dat hul 10:00 daar is. Vandaar sal die motorfietse, gelaai met geskenke, hul weg vind na die Centurions Mc se klubgronde in Shakespearstraat, Vanderbijlpark.
Almal is welkom om in die dag se pret te kom deel. Toegang is gratis, maar hul vra dat almal ‘n speelding en nie-bederfbare kos sal saambring. Seep, tandepasta en ander toiletware is ook welkom so wel as skryfbehoeftes.
Die dag beloof om weer plesierig af te loop met hope eet en -drinkgoed, musiek en sommer net pret.
