VILJOENSDRIF – Ds. Jan de Man het ‘n groot voorliefde en belangstelling in Suid-Afrika se geskiedenis vanaf 1652.

Hy het oor die jare vele boeke, dokumente, seëls en antieke gebruikware versamel.

Onlangs het hy besluit om weer bietjie deur sy versameling te gaan en die gedagte het ontstaan om ʼn uitstalling daarvan in die NG Kerk Viljoensdrift se kerksaal te hou.

Daar is iets van alles om te sien, van ʼn antieke koffiemeul, tot by ʼn boontjiekerwer uit die 1880’s.

Briewe uit die Anglo-Boereoorlog, lepels gemaak deur krygsgevangenes op Ceylon, ou munte van Koningin Victoria se tyd en selfs ‘ʼn hele boek met koerantuitknipsels van baie lank gelede.

Oor elke stuk kan Jan ‘n storie vertel, van die rol wat Veldrif in die Anglo-Boereoorlog gespeel het en hoe Generaal de Wet die brug oor die Vaalrivier opgeblaas het tot by hoe lank mens moes karring om melk en room te skei.

Om die uitstalling te besigtig is gratis en sal nog tot Donderdag oop wees vir die publiek. Kontak gerus vir Jan op 082 784 2350