VANDERBIJLPARK – Twee van On Pointe Ballet Studio se dansers het vanjaar uitstekend gevaar in hul onderskeie vlakke.
Thando Maseko is onlangs aangewys in die tweede posisie van die Cecchetti Ballet Noordwes-streek se intermediêre eksamen.
Dit maak haar die 10de agtereenvolgende ballet danser van On Pointe Ballet Studio wat ‘n eerste of tweede plek in die senior eksamens verwerf.
Angelica Ellerbeck het ‘n uitsonderlike jaar op die verhoog beleef. Sy het by Show Your Talent twee goue medaljes verower en daarmee gekwalifiseer vir Talent America.
By Talent Africa se nasionale kompetisie het sy ‘n goue medalje gekry en twee platinum toekennings, asook die prys gevat vir die algehele beste kostuum.
Met haar oorwinnings hier het sy vir verskeie buitelandse kompetisies gekwalifiseer. Verder het Angelica ‘n brons medalje by Dance Waves verower en een goud en drie hoog silwer by die Vaal Triangle Festival.
Hul dansafrigter, Riette Odendaal, is trots op die twee wat met harde werk, dissipline en deursettingsvermoë hul doelwitte bereik en oorskry.
“Angelica wil graag oorsee gaan deelneem. Ons gaan nou werk om vir haar ‘n repertoire te leer uit een van die volwaardige ballet produksies,” het Riette laat weet.
