VANDERBIJLPARK – Joe de Paiva is al vir 40 jaar deel van die Knights Vanderbijlpark motorfietsklub.

Met die eerste Toy Run wat 30 jaar gelede gehou is, is daar ‘n foto van hom geneem waar hy sy dogter, Ashley, toe nog ‘n baba, vasgehou het.

Op 30 November het hy en Ashley (nou De Paiva Smit) ‘n soortgelyke foto geneem.

“Hy het die Toy Run saam die kinders geruil, vir Toy Run saam die kleinkinders. Die afgelope vyf jaar ry sy kleinseun, Callum Maartens, agter op die motorfiets tydens die Toy Run en die res van ons piekel net saam,” lag sy.

Oupa se twee kleinkinders, Callum en Tatum Maartens, is geswore Knights ondersteuners wat reeds Oupa se klubkleure dra. Die 30 jaar tradisie sal beslis nog lank voortgesit word.