VANDERBIJLPARK – Avery Gorrie, ‘n leerling aan die Laerskool Eligwa, het haar laerskoolloopbaan op ‘n hoogtepunt afgesluit.

Sy is ‘n bedrewe sportster wat pas as Sedibeng-Wes Distrik se Primêre Skool se Beste Sportdogter van die Jaar aangewys is.

Dit is voorwaar ‘n groot prestasie gemeet aan die gehalte van kandidate wat sy uitgestof het.

Sy het onder meer in atletiek tot Gauteng deurgedring en aan die SA Skaak kampioenskap deelgeneem en sy was ook lid van die SA Bokkieweek se netbalspan.