MIDVAAL – 2025 was ʼn besondere jaar vir Laerskool Midvaal se seniorkoor. By die Vereeniging Kunstefees het hul vier dubbel A’s verwerf vir hul verwerkings van die Rock around the clock, Circle of life, Jy is die storm en Still Waters (Ps.23).
Dan het hul ook in November die Prof. Linda du Plessis-toekenning verower tydens die Vaaldriehoekunstefees se toekenningsgeleentheid wat in November gehou is.
Die koorlede en hul afrigters, me. Hardi Farrell en me. Jeanmari Ferreira is dit eens die kersie op die koek is die vrystelling van hul tweede musiekvideo op 10 Desember. In die video sing hul ʼn hartroerende Gospel-lied tot eer van die Here.
Vir die geleentheid het hul ook ses van die skool se dansers ingetrek wat die video net nog meer besonders maak.
