Local newsNewsNews
Vanderbijlpark-poskantoor lyk beter ná personeel self opruim
Waar daar 'n wil is, is daar 'n weg. Dít is die boodskap van die plaaslike poskantoor-personeel wat onlangs self ingespring het om hul werksomgewing op te knap.
VANDERBIJLPARK – Nadat ‘n voormalige Vaal-inwoner onlangs die dorp besoek en nuwe klem gelê het op die agteruitgang van die dorp, het die poskantoor-personeel self ingespring.
Shian Gert Kotzee, ‘n bekende in ringkontakvegkunskringe het in Desember vir familie kom kuier en besluit om te gaan loer hoe die dorp nou lyk.
“Hoe die dorp nou lyk was die rede vir my besluit om na die Weskaap te verhuis. Net soos baie ander dorpe in SA is Vanderbijlpark ten gronde weens wanbestuur,” het Gert Kotzee op Facebook gesê, saam met die foto’s wat hy tydens sy besoek geneem het.
Kort nadat Vaalweekblad hieroor berig het, het Je-ann Viljoen (Poskantoor Bestuurder) laat weet dit lyk klaar baie beter.
“Ons het geen skoonmakers, of tuindienste nie, ek het heeltyd car guards betaal om voor by ons ingang skoon te maak, maar ongelukkig kan ek dit nie meer bekostig nie,” vertel Je-ann.
Sy en haar span het egter Woensdag en Donderdag self ingespring en vullis opgetel, bossies uitgehaal en takke afgesny.
“Ons wag nou slegs vir ELM om die takke en onkruid wat verwyder is te kom oplaai,” sluit Je-ann af.
At Caxton, we employ humans to generate daily fresh news, not AI intervention. Happy reading!
