Drankwet: Geen meer ‘net een glasie’
"'n Wet wat bestuurders toelaat om 'n sekere hoeveelheid te drink en dan agter die stuur van 'n motor in te skuif, moet geskrap word,” - Barbara Creecy (Minister van Vervoer).
“Ons beleid oor drink en bestuur is amper 30 jaar gelede geformuleer. In vandag se Suid-Afrika is dit totaal onaanvaarbaar dat daar ‘n wet is wat mense toelaat om te drink en dan te bestuur,” sê Creecy.
Die Departement van Vervoer gaan begin met ‘n proses om Artikel 65 van die Nasionale Padverkeerswet (NRV) te wysig om die wettige alkoholverbruiklimiet in die land te skrap.
Tans maak die wet dit ‘n kriminele oortreding om die limiet van 0,05g/100ml alkoholkonsentrasie in bloed of 0,24mg/1000ml in asem vir gewone bestuurders te oorskry.
Die minister het hierdie opmerkings gemaak tydens ‘n media-inligtingsessie wat sy saam met die Adjunkminister van Vervoer, Mkhuleko Hlengwa, gehou het om die padveiligheidsverslag vir die 2025/26-feestyd vry te stel.
Volgens die voorlopige data van die 2025/26-feestyd se padveiligheidsveldtog is ‘n totaal van 173 695 bestuurders vir bestuur onder die invloed van alkohol getoets, waarvan 8 561 positief getoets het.
Die data toon dat die 2025/26-feestyd die laagste aantal botsings in vyf jaar aangeteken het, en dieselfde aantal sterftes as in die 2023/24-feestyd,” het die minister gesê.
SAnews.gov.za
