VANDERBIJLPARK – ‘n Hartverskeurende toneel het hom vanmiddag in parkeerterrein van die Laerskool Emfulenipark afgespeel toe een van die karwagte tragies aan ‘n hartaanval oorlede is.

Terwyl die skool se interhuis-byeenkoms op die atletiekbaan plaasgevind het, het noodpersoneel buite die hekke gespook om  PCV ‘Boetie’ Engelbrecht (48) se lewe te probeer red.

Hy is ten aanskoue van sy familie en medewerkers op die toneel dood verklaar. Sy familie het hul dank vir die flink optrede van die noodpersoneel en die skool uitgespreek.

Boetie wat aan Mosaic-sindroom gely het, word as ‘n vriendelike, liefdevolle en behulpsame mens beskryf wie se afsterwe ‘n groot leemte agterlaat.