VANDERBIJLPARK – Dit het fyn beplanning gekos en by die drie weke se harde werk, maar die stuk pad wat langs Laerskool Vaalrivier verbyloop is uiteindelik herstel.

Raadslid Gerda Senekal van die VF+ het in ‘n video gesê hulle het besluit om in te spring en te help met die pad, nadat die skool baie skade berokken aan hul bussies met die gate in die pad.

Donderdag was die groot dag. VF+ lede, raadslede en potensiële kandidate het gehelp om die gate met teer te vul. Al die gate is die vorige twee weke reguit gesny en is toe Donderdag met warm teer gevul en platgerol.

Volgens Gerda is daar sowat 6 ton teer in die stuk pad ingewerk. Sy het Afriforum en Fanie de Jongh bedank vir hul bydraes om van die projek ‘n sukses te maak.