VANDERBIJLPARK – Mnr. Willem Botha het Maandag sy 57ste verjaarsdag gevier. Die skool het besluit hulle gaan nie net op een dag hom verras nie, maar wel die hele week.

So het hy hom gister al om elke hoek en draai in iets spesiaals vasgeloop, van die balonne op sy huis se hek, tot die verwelkoming by die skool waar hy sy birthday boy badge ontvang het. Die moet hy nou heel week dra.

Daar is koekies aangedra, ‘n gegeurde melk en koekies saam met die personeel geniet en hy het selfs ‘n koek gekry waarvan hy die kersies moes doodblaas.

Dag 1 het vir 16 uit 57 verrassings gesorg en ons sien uit daarna om te hoor wat hulle nog in die mou voer.