VANDERBIJLPARK – Skokkende paneelkamera beeldmateriaal versprei soos ‘n veldbrand op sosiale media van die gru-ongeluk waarin 12 skoolkinders tragies hulle lewens Maandagoggend op die R553 verloor het. 

Die 22-jarige bestuurder van die mini-bus taxi is intussen na sy ontslag uit die hospitaal gearresteer en gaan vandag of more in die Vanderbijlpark Landdroshof op 12 aanklagte van strafbare manslag en roekelose bestuur verskyn.  

Dit is nog onduidelik wie die video aanvanklik versprei het. Die beeldmateriaal bevestig ooggetuies se weergawe van gebeure dat die bestuurder verskeie taxis probeer verbysteek het en toe met ‘n tipper-vragmotor kop-aan-kop gebots het.