SASOLBURG – Skade en diefstal wat amper ‘n miljoen rand beloop is Sondagoggend, 18 Januarie by die DP de Villers-stadion aaangerig.

‘n Volledige mini-substasie, ‘n transformator, kabelverbinders, petrolgrassnyers, petrolmaaiers, ‘n driewiel grasnyer, kragopwekker en ‘n Hancook Ride-on-grasnyer-trekker is glo gesteel.

Volgens DA-raadslid Jacques Barnard het hy en die stadion bestuurder dit aan die munisipaliteit en die Suid-Afrikaanse Polisiediens aanmeld.

Alle kragtoevoerkabels na die stadion is ook geknip en daar is skade aan die palisadeheining en ‘n bakke op die perseel aangerig. Die kragtoevoer is glo intussen na die stadion herstel.