SHARPEVILLE – Die gemeenskap van Sharpeville het vandag tot stilstand gekom toe familie, vriende en gebroke klasmaats bymekaargekom het om afskeid van Thomas Sithole (17) te neem.

Die Hoërskool Driehoek-leerling het tragies gesterf ná ’n privaat bootvaart op die Vaalrivier. Wat bedoel was om ’n dag van ontspanning te wees, het  in ‘n tragedie geëindig wat ’n plaaslike familie verpletter het.

Sithole het kort ná die vaart vermis geraak. Sy liggaam is twee dae later die rivier gered.

Die Roda Yende Gemeenskapsaal was stampvol toe rouklaers byeengekom het om hulde aan die matriekleerling te bring.

Tydens die diens het Sithole se oupa sy pyn gedeel. “Ek het dit verloor toe ek die nuus hoor. Thomas was ’n lieflike kind,” het hy gesê.

‘n Familievriend, Anke van der Schyff, het dié sentiment gedeel en Sithole as iets besonders beskryf. “Hy was altyd snaaks, altyd besig om grappies te maak. Hy was ’n perfekte kind,” het sy aan die media gesê.

Al het die begrafnis ’n kans gebied om groet, bly daar steeds baie vrae onbeantwoord. Die presiese omstandighede oor hoe Sithole in die water beland het, is steeds onbekend.

“Almal wil net antwoorde hê oor wat gebeur het. Die owerhede hanteer dit en ons laat dit in hul hande. Ons het baie vertroue in hulle,” het Van der Schyff bygevoeg.

Sithole is by die Three Rivers-begraafplaas te ruste gelê.