VANDERBIJLPARK – Simba was van sy babadae deel van die Vaalpets Rescue Centre. Hier het hy kos en aandag gekry, maar wat hy die graagste wou hê was sy eie familie.

Opgegee het hy nooit. Stertswaai het hy elkeen gegroet, totdat iemand uiteindelik na agt lange jare besluit het, Simba moet saam met hulle huis toe gaan.

Met die hele aannemingsproses agter die rug, kon Simba vanoggend die mense van Vaal Pets Centre vir oulaast groet alvorens hy sy nuwe lewe dapper aangedurf het.