VANDERBIJLPARK – Dis weer tyd vir Centurions MC Vaal se jaarlikse “Poker Run” op 7 Februarie. Jy hoef nie ʼn aan ʼn klub te behoort om saam te ry nie.
Almal kom 10:00 by Centurions MC Vaalklubhuis bymekaar. Hierdie jaar se roete van ongeveer 180km neem ryers op ‘n skilderagtige tog deur drie provinsies—van Gauteng, deur Noordwes, na die Vrystaat, en weer terug.
By vier verskillende stoppe sal deelnemers elk ‘n kaart in ‘n geseëlde koevert ontvang. Die koeverte word by die eindpunt oopgemaak om die wenhande te bepaal.
Daar is groot pryse op die spel, insluitend pryse vir die “Eerste Inskrywing”, die Top 3 Beste Hande, en selfs die Swakste Hand.
Lorin Blake-Zwarts sê:
“Die hart van die Poker Run lê in die stories wat daaruit gebore word. Verlede jaar het ‘n alleenryer van Johannesburg opgedaag, sonder ‘n klub en sonder kennisse.
“By die klubhuis is hy deur ‘n vreemdeling genooi om saam met ‘n groep te ry sodat hy nie alleen hoef te wees nie.
“Dié twee vreemdelinge het vriende geraak, en die dag saam geniet. Die alleenryer het toe ook die 1ste prys gewen: ‘n naweek weg in Clarens.
“Die storie het ‘n sprokieseinde gehad toe die twee nuwe vriende en hul metgeselle die naweek saam in Clarens gaan geniet het.
“Dit is die tipe samesyn wat die publiek nie altyd sien nie. Centurions MC Vaal wil graag hê dat meer mense, veral ryers wat nie aan klubs behoort nie, hierdie gasvryheid moet ervaar. Die publiek moet weet: Julle is net so welkom soos enige iemand anders.”
Vir meer inligting: Kontak Lorin: 082 857 0249 of vir stalletjiebesprekings Amanda: 083 756 6989.
