Jan Wilkens, die man wat vir dekades lank as die onbetwiste koning van die Suid-Afrikaanse stoeikryt beskou is, het vir ewig die lewe se stoeikryt verlaat.

Wilkens (gebore op 4 Februarie 1945 in Johannesburg) was veel meer as net ’n stoeier; hy was ’n nasionale ikoon. 

Tydens sy glorieryke loopbaan het hy die Suid-Afrikaanse Swaargewigtitel agter sy naam geskryf en is hy ’n rekordgetal van ses keer as die EWU Wêreld Super-Swaargewigkampioen gekroon.

Sy reis in die kryt het reeds in 1955 begin en tot sy uittrede in 1987 was hy die hartklop van die plaaslike stoeitoneel.

Vir duisende aanhangers was hy nie net ’n kampioen nie, maar bloot hul “Champ”, en so sal hy altyd onthou word.