VANDERBIJLPARK. – Die NWU Vaal se eerste hokkiespan het die afgelope Sondag op die Isak Steyl-stadion harde bene gekou.
Die Eagles het met 3-0 teen die Crusaders in die Premierliga vasgeval, maar die wedstryd was glad nie so eensydig soos wat die telbord voorgee nie.
Die studente het met tye puik hokkie gespeel en slegs ‘n gebrek aan afronding het gesorg dat hulle nie ‘n doel kon aanteken nie.