VANDERBIJLPARK – Wanneer die Hoërskool Driehoek se skaakgeneraals agter die blokkiesbord inskuif moet jy besef dinge gaan gebeur.

Dit is tydens die onlangse D8 Sedibeng-Wes Skool Individuele Skaaktoernooi bewys.

In die o15-afdeling vir seuns het Jowan Kemp en MJ Jacobs onderskeidelik eerste en tweede gëindig. In die o.15-afdeling vir dogters het Hannah Campher koning gekraai.

In die afdeling vir o18’s het die Hoekies skoonskip gemaak met Gunther Mittemaier, Leighton Muller en Shaylen Mariminthu wat podiumplekke beklee het.