VANDERBIJLPARK — Van 1 tot 5 Julie 2025 word Rhinoweek 2025 by die VUT Isak Steyl-stadion in Vanderbijlpark aangebied, en dié gewilde sportweek vier vanjaar sy tiende bestaansjaar.
Wat in 2015 begin het as ’n nederige streeksportweek met net 12 rugbyspanne en 18 netbalspanne, het in die afgelope dekade gegroei tot ’n nasionale sportfees met meer as 90 skole en oor die 3 100 deelnemers in rugby, netbal en hokkie.
Die ontstaan van Rhinoweek spruit uit die visie van Dries van Heerden en Daan Gouws, wat reeds in 2013 begin beplan het aan ’n platform waar kinders ongeag agtergrond of omstandighede saam kan sport beoefen. Die eerste stigtingsvergadering is in 2014 by Hoërskool Linden gehou, saam met rolspelers soos Dr Jorrie Jordaan, Renette Nell en Ertjies Hattingh.
Rhinoweek se eerste amptelike toernooi is in 2015 by die Isak Steyl-stadion gehou en word sedertdien jaarliks aangebied deur Prestige Jeugsport. In 2023 is die naam verander na Rhino Youth Sport Development, en vanaf 2025 is dit amptelik ’n geassosieerde lid van Gauteng Sport.
Wat eens ’n plaaslike byeenkoms was, het nou nasionale én internasionale deelname, insluitend spanne van Namibië, KwaZulu-Natal, Mpumalanga, Noordwes, Vrystaat en Gauteng. Die ekonomiese impak op die Vaaldriehoek is duidelik sigbaar, met skole, gastehuise en restaurante wat floreer tydens die sportweek.
“Ouer en kind spandeer hul geld plaaslik – dis ’n reuse-impak vir die gemeenskap,” sê die organiseerders.
Na nege jaar as voorsitter het Dries van Heerden onlangs uitgetree en die leisels oorgedra aan Martin van Wyngaardt. Saam met Gert Tsoetsi (Toernooi Direkteur) en Hennie van Vuuren (Streekverteenwoordiger), lei hulle ’n dinamiese span van 18 personeellede wat toesien dat alles professioneel verloop.
Die organisasie se kernmissie bly om kinders geleenthede te gee wat hulle andersins dalk nie sou hê nie – met ’n spesifieke fokus op kinders uit minder gegoede gebiede.Alhoewel fondse soms beperk is, het Rhinoweek nog nooit enige speler weggestuur omdat hulle nie kon betaal nie. Ongeveer 20% van deelnemers ontvang hulp met kostes — iets wat die organisasie as ’n eer beskou.
“Solank kinders die kans kry om aan sport deel te neem, slaag ons,” sê Van Heerden. “Rhinoweek is nie net ’n sportweek nie — dit’s ’n droomweek.”
Met toenemende media-teenwoordigheid via SuperSport en groot betrokkenheid op sosiale platforms, bevestig Rhinoweek sy plek as een van die jaarlikse hoogtepunte op die skolesportkalender in Suid-Afrika.
Die bepalings is:
2 Julie: Stadion
08:00: o/14 – Griffons CD VS Ekurhuleni Xv
09:00: o/14 – KZN South Coast VS Cobras
10:00: o/15 – JHB Sentraal Wes VS Ekurhuleni
11:00: Official opening:
11:45: o/15 – Pumas CD VS Sedibeng
12:45: o/17 – Ekurhuleni XV VS Cobras
14:00: o/17 – Sedibeng VS KZN South Coast
15:15: 0/19 – Gauteng West VS Cobras
16:30: 0/19 – Sedibeng VS JHB Central West
A-field:
08:00: o/14 – Fezile Dabi XV VS Sedibeng
09:00: o/14 – JHB Sentral West VS Ekurhuleni
10:00: o/15 – Cobras VS JHB West XV
11:00: Official opening
11:45: o/15 – KZN South Coast VS Amaqhawe
12:45: o/17 – Ekurhuleni VS JHB Central West
14:00: o/17 – Sedibeng XV VS Mustangs
15:15: o/19 – KZN South Coast VS Ekurhuleni
B-field:
08:00: o/15 – Wasps VS Platinum Hawks
09:00: o/15 – Broncos VS Mustangs
10:00: o/15 – Meyerton Knights VS Allies
11:00: Official openining
11:45: o/17 – Vikings VS Awaghawe
13:00: o/17 – Broncos VS Platinum Hawks
14:15: o/19 – Lynx VS Platinum Hawks
15:30: o/19 – VRC VS Mustangs
C-field:
08:30: o/17 – Mmabatho VS RCSA
09:45: o/17 – Allies VS Meyerton Knights
11:00: Official Opening
11:45: o/17 – Lynx VS Mustangs Young Guns
13:00: o/19 – Broncos VS RCSA
14:15: o/17 – RCSA XV VS Awaghawe XV
15:30: o/17 – Sizanani VS Riverside
