VANDERBIJLPARK – Die HS Transvalia se o.14-krieketspan het Dinsdag 28 Oktober ʼn meesterklas aangebied toe hy sy seisoen met ʼn reuse oorwinning met 8 paaltjies oor sy buurskool die HS Driehoek afgesluit het.

Die besoekers het eerste gekolf maar Damon Kelly-Gliddon (3/9) en JW Herselman (2/8) se die aanvangs boulaanval het Driehoek na 8 beurte op 17/5 op hul knieë gehad.

Logan le Roux (4/13) het daarna die res van die kolforde verwoes om Driehoek in die 14de beurt vir ʼn beskeie 46 lopies uit te boul.

Valia het die teiken in slegs 5.1 beurte verbygesteek met JD de Bruyn (19* van 8) balle aangeteken het. Die span het die seisoen slegs een van sy 10 kragmetings verloor en het met 43 ligapunte bo-aan die punteleer geëindig.