MEYERTON – Na ‘n afwesigheid van 39 jaar in die Noordvaal-krieketeindstryd het die HS Dr. se eerste span Saterdag (8 November) in Pretoria by St Albans geskiedenis gemaak toe hy teen HS Garsfontein te staan gekom het.
Hoewel die Ysbere die eindstryd gemaklik met 9 paaltjies gewen het, het die Dokkies reggekry waaroor vele spanne vanjaar nog net kon droom het.
Dit was die eerste keer in sewe jaar die Pretrianers die gesigte FAIN Noordvaalbeker omhoog kon hou.
Die TC Mitchell Oval was die verhoog waar die skouspel hom afgespeel het. Die Vaaldriehoekers het eerste gekolf en kon slegs 154/10 aanteken danksy puik boulwerk deur Garsies se Zander Venter (4/17) wat die lopiekraan toegedraai het.
Hy is goed ondersteun deur Jared Carr (2/34). Vir die besoekers het Heindrich Jv Rensburg (47) en Adriaan Greyling 31* goed gekolf maar die telling was vanuit die staanspoor bietjie lig in die broek. Reuben van Zyl (85) en Wikus du Preez (51*) het in hul beurt die versneller platgetrap en die teiken met 9 paaltjies staande verbygesteek.
Jv Rensburg (1/37) was die enigste Dokkie-bouler wat ‘n deurbraak kon bewerkstellig.
