MEYERTON – Met minder as twee weke oor tot Kersfees, skyn die Vaaldriehoek se Kersliggies reeds helder.

Soos Kersfees al naderkom, het inwoners regoor Meyerton, Vereeniging, Vanderbijlpark en Sasolburg begin om hul huise, heinings en tuine met liggies, kranse en kleurvolle Kersversierings te versier.

In sommige woonbuurte verander strate in glinsterende tonnels van lig, waar motors stadig verby ry en kinders met opgewondenheid uit die vensters loer.

Ons wil graag weet waar die beste Kersliggies in die Vaal te sien is.

Stuur vir ons die adres of ligging van feestelike vertonings in Meyerton, Vereeniging, Vanderbijlpark en Sasolburg, sodat ons dit met ons lesers kan deel — en die Vaal se Kersgees nog wyer kan versprei.