MEYERTON – Die voormalige ABU-middelgewigkampioen, Donjuan van Heerden, het vroeër vandeesweek aangekondig dat hy tydelik die bokskryt opsy gaan skuif.

Hy het gesê:

“Hierdie sport het vir my so baie gegee – die hoogtepunte, die laagtepunte, die lesse, die dissipline… dit is ’n deel van wie ek is. Maar op die oomblik is daar dinge in my lewe wat my aandag benodig, en ek skuld dit aan myself en die mense van wie ek hou om teenwoordig te wees.”

In ’n opvolgplasing het hy benadruk dat die skuif net tydelik is:

“Laat my duidelik wees – ek het NOOIT gesê ek tree uit die bokskryt nie. Wat ek wel gesê het, is dat ek tydelik wegstap om op sekere dinge in my lewe te fokus. Hierdie sport is ’n deel van my. Dit het nie verander nie. Dit is NIE afskeid nie… dit is net ’n pouse. Ek sal terug wees. Sterker, skerper en meer gefokus as ooit tevore.”