Valies genomineer vir Melomaan Toekennings
Veels geluk aan die kunstenaars wat alreeds benoem is. Ons hou duimvas dat daar nog Vaaldriehoekers in die ander kategorieë genomineer sal word.
Die Melomaan Gala Aand vind hierdie jaar 27 Junie plaas. Tydens hierdie spog geleentheid word daar verskeie toekennings gegee van sanger van die jaar tot by geestelike lied van die jaar.
Alhoewel al die nominasies nog nie bekend is nie, is daar reeds drie Vaaldriehoekers in vier kategorieë benoem.
Elzé Rose neem die voortou. Sy het tans drie nominasies. Die eerste is vir die kategorie, Duo van die jaar saam met Franco van Zyl vir hul lied, God van genesing. Dan is sy ook benoem vir Country lied van die jaar vir Mercy in the dust en Geestelike lied van die jaar vir Genadetrein.
Yolandie is genomineer in die Geestelike lied van die jaar kategorie vir Wees ʼn lig. Die Vaal se jong sang sensasie, Caitie Rock is een van die finaliste in die Sangeres van die jaar onder 18 kategorie.
