Mei is ’n maand van hoop, krag en bewusmaking
Lupus en Veelvuldige Sklerose (MS). Twee siektes wat seermaak en verwoes. Mei fokus op bewusmaking van die siektes. Rozaan Steyn vertel meer.
SASOLBURG – Hierdie maand staan ons saam vir almal wat leef met Multiple Sklerose en Lupus – ons Warriors wat elke dag met moed, deursettingsvermoë en geloof aanhou veg, selfs wanneer dit nie maklik is nie.
Elke storie is uniek. Elke stryd is werklik. Maar saam is ons sterker.
Kom stap hierdie maand saam met ons die pad – deur te leer, te deel en mekaar te ondersteun. Laat ons lig wees vir mekaar en bewusmaking bring waar dit nodig is.
Aan elke Warrior: Ons sien jou. Ons eer jou. Jy is nie alleen nie.
Saterdag, 9 Mei 2026 om 08:00 by die NG Kerk Vaalpark pak ons die 4.9 km aan – en jy is genooi!
Ons MS Warriors – met rolstoele, kieries of sommer net ’n sterk gees – almal is welkom om saam die pad te stap. Dis nie net ’n stap nie; dis ’n dag van hoop, moed en saamstaan.
Bring jou familie en vriende saam om te kom ondersteun – elke tree maak ’n verskil!
En as bonus… daar is heerlike pannekoeke te koop vir net R6.
Kom wees deel van iets besonders. Saam is ons sterker.
