Die Meyerton Knights Rugbyklub is verlede naweek as skild-kampioene in die Valke se Presidentliga gekroon ná ’n oortuigende 67–21 tuisoorwinning oor die Elsburg Eagles in die eindstryd.

Die eerste span het met fisieke spel oorheers en hul teenstanders behoorlik oorrompel.

Onder leiding van kaptein Hardus Terblanche, ’n invloedryke speler wat van voor af lei, het die Knights gewys dat hulle hul ritme weer gevind het na ’n stadige begin tot die seisoen.

Vroeër die dag het die tweede span die grondslag gelê met ’n gedissiplineerde 10–0-oorwinning oor Elsburg.

Met nuwe momentum skuif die Knights nou hul fokus na die Merlinliga, wat op 9 Mei afskop.