Die operasie is uitgevoer deur lede van die Valke se Taktiese Operasionele Bestuursafdeling (TOMS), die Valke se hoofkantoor se afdeling vir nie-ysterhoudende metale, die Vaal Randse ondersoekeenheid vir ernstige georganiseerde misdaad, die Gautengse verkeerspolisie se lugvleuel, Bidvest Protea Coin se taktiese eenheid en Protea Coin se lugvleuel.

Die Valke se TOMS-lede het intelligensie ontvang oor ’n roof wat by ’n brandstofaanleg in Meyerton sou plaasvind. Die inligting is opgevolg en die gebied is onder bewaking geplaas.

Tydens die bewaking is twee tenkwaens opgemerk wat die perseel binnegegaan het. Voorlopige ondersoek het aan die lig gebring dat die aanleg onder administrasie geplaas is.

Daar word verder deur die voorlopige ondersoek beweer dat die sekuriteitspersoneel wat die perseel bewaak, moontlik saam met die nege ander verdagtes gewerk het.

Die verdagtes sal binnekort in die hof verskyn.