VANDERBIJLPARK – Die Alpha Tak van die VLU het op 5 Mei weer ‘n interessante byeenkoms gehad.

Jancke Janse van Rensburg het die dames geleer hoe om suurdeegbrood te maak. Rina de Klerk sê dit was ‘n hele proses.

Jancke het alles stap vir stap verduidelik van hoe om die suurdeeg te maak totdat die varsgebakte brood op die tafel is.

Johan Brits het ook ‘n draai gemaak en die dames wenke gegee oor hoe om beter foto’s te neem.
Verlede week het hul weer vergader vir ‘n hamburger-oggend. Die gasplaat is nadergetrek en daar is ywerig patties gebraai en broodrolletjies gesmeer.

Twee ure later het hulle 150 hamburgers versprei. Intussen het Alpha Tak se ledetal met vier gegroei waaroor hulle baie bly is. Belangstellendes wat by die gawe groep wil inskakel, kan vir Rina skakel by by 083 307 3066.