SASOLBURG – Hoërskool Sasolburg High School se boogskutspan het hulself die naweek oortref. Hulle het aan ʼn toernooi by die Hoërskool Trion in Kroonstad deelgeneem.

Haley Hale het silwer, goud en hoëgoudmedaljes losgeskiet, terwyl Nhlanhla Phangisa ook goud en ʼn hoë silwer medalje verdien het. Ulrich Vermaak het silwer gekry en Oliver Booysen en Mighael Lourens het albei met brons weggestap.

SHS het op hul Facebookblad die span geluk gewens met hul uitstekende prestasies. “Ons is baie trots op die leerders vir hul toewyding, harde werk en uitstekende prestasies. Dankie dat julle ons skool met trots en uitnemendheid verteenwoordig!”