Polisie besoek Disa Pre-Primêr
Polisie het vroeër vandeesmaand Disa Pre-Primêr besoek om kinders op ’n speelse manier belangrike veiligheidslesse tydens Kinderbeskermingsmaand te leer.
MEYERTON – Die polisie het op 7 Mei ’n bewusmakingsbesoek aan Disa Pre-Primêre Skool afgelê as deel van Kinderbeskermingsmaand, wat toegespits is op die beskerming van kinders teen mishandeling, verwaarlosing en uitbuiting.
Die besoek het gefokus op basiese veiligheidswenke vir kleuters, insluitend wanneer en hoe om hulp te soek indien hulle bang of onseker voel.
Polisielede het die leerders ook verduidelik van hul rol in die gemeenskap en beklemtoon dat die polisie beskikbaar is om kinders te help wanneer ouers, voogde of onderwysers nie naby is nie.
Die kinders is ook gewaarsku om nooit saam met vreemdelinge te gaan nie en altyd by ’n volwassene met wie hulle vertoud is te bly.
Die leerders is verder aangemoedig om die polisie se noodnommer 10111 te onthou en te gebruik in noodgevalle.
Die inisiatief vorm deel van die polisie se landwye veldtog gedurende Kinderbeskermingsmaand om veiligheidsbewustheid onder jong leerders te versterk.
