Opdatering: Om 11:56 is berig ontvang dat die master relay probleem opgelos is, maar daar is nog probleme gevind. Eskom tegnici stel ondersoek in.

VANDERBIJLPARK – SW1 – 5, Sylvia Vale, die Vaal Mall, Flora Gardens en die S-areas is sedert die naweek in die duister.

Daar het eers gerugte van kabeldiefstal die rondte gedoen, maar nou blyk dit dat die fout by die master relay van die Frikkie Meyer-substasie lê. Eskom se hulp is ingeroep om te help.

Volgens rdl. Gerda Senekal van die VF Plus is tegnici tans by die substasie om assessering te doen. Op die stadium kan daar nog nie gesê word wanneer die krag weer sal aan wees nie.