Opdatering: 10 Junie. 10:37 ELM het op hul Facebookblad gesê dat Rand Water water na Vanderbijlpark, Sharpeville en Bedworthpark afgesluit het sodat daar dringende herstelwerk aan die gebarsde pyp gedoen kan word.

Herstelwerk het reeds begin, maar daar is tans geen aanduiding van wanneer daar weer water sal wees nie.

BEDWORTHPARK – ‘n Waterpyp wat in die vroeë oggendure naby Casandra laan in Bedworthpark gebars het, gaan watertoevoer na die omliggende gebiede beslis affekteer.

Honderde duisend liter word tans vermors. Randwater is op die toneel maar kon nie bevestig of die toevoer toegedraai is nie. Hoewel die druk waarteen die water by die pyp uitspuit afgeneem het, is dit onduidelik wat daartoe bygedra het.

*Hierdie is ‘n ontwikkelende storie en sal ongedateer word soos wat inligting bevestig word.