Die Hoërskool Transvalia het hul junior debatspan gelukgewens met hul besondere prestasie. Hulle het hul plek onder die Top 10 spanne in Gauteng verseker tydens die ATKV Debat-kompetisie.

Milan Brisley, Deanè Lubbe en Iane Louw het Hoërskool Transvalia met trots verteenwoordig en ‘n uitstekende prestasie gelewer deur as een van die top juniorspanne in die provinsie te eindig.

Die skool het op hul Facebookblad gesê: “Ons is ongelooflik trots op julle en die wyse waarop julle VALIA se naam hoog gehou het.”