’n Inligtingsgedrewe operasie tussen die Kuilsrivier-veediefstal-en-bedreigde-spesies-eenheid en CapeNature het op Vrydag, 12 Junie, gelei tot die inhegtenisneming van ’n 28-jarige man vir die besit van giftige skerpioene.

Die lede het gereageer op inligting wat hulle ontvang het oor ’n persoon in besit van skerpioene by die Kaapstad Internasionale Lughawe.

’n Beskrywing van die verdagte is verkry en die verdagte is vasgetrek.

Sy bagasie is deursoek en die 150 lewendige skerpioene is tussen sy klere gevind.

Hy is kragtens die Ordonnansie op Natuur- en Omgewingsbewaring in hegtenis geneem vir die besit van ’n wilde dier.

Die skerpioene is gered en is tans in veilige bewaring.

Die man sal na verwagting Maandag, 15 Junie, in die Bellville-landdroshof verskyn.