SASOLBURG – Die Sasolburg Filatelistiese Vereniging, of Oilfilat soos dit informeel bekendstaan, hou hul jaarlikse uitstalling vanaf 27 tot 31 Julie in die Sasolburg Openbare Biblioteek.

Filatelie, oftewel die versamel van posseëls, is veel meer as om bloot seëls op te spoor, dit word gebruik om ‘n storie te vertel.

Daar sal onder meer uitstallings wees oor voëls, bekende Suid-Afrikaners, die ZAR en die Anglo-Boereoorlog, asook ‘n besonder interessante uitstalling oor die filatelie van Apartheid.

Almal is welkom om te kom kyk, veral skoolgroepe. Lede van die vereniging sal beskikbaar wees om enige vrae oor die uitstalling te beantwoord.

Hulle sal ook hul kennis met graagte deel met mense wat meer inligting oor hul eie seëlversamelings wil hê.

Vir meer inligting, kontak Leon Jacobson by 083 389 8647.