VANDERBIJLPARK – Die Emfuleni Plaaslike Munisipaliteit se Inkomstedepartement het inwoners en besighede in kennis gestel dat daar ‘n vertraging in die uitreiking van munisipale rekeninge sal wees.

Die vertraging spruit glo uit die implementering van nuwe tariewe in die munisipale rekeningstelsel.

Emfuleni het Maandag in ‘n verklaring gesê sy tegniese- en inkomstespanne werk dringend daaraan om die probleem op te los en te verseker dat rekeninge so spoedig moontlik uitgereik word.

Die munisipaliteit vra om verskoning vir enige ongerief wat veroorsaak is en waardeer u geduld en begrip.